LEGAZPI CITY – Nagtutubod an Bayan Bicol na garing pigtatanom na kan gobyerno sa isip kan mga namamanwa na maabot an panahon na liwat na idedeklarar an ley martial.
Ini katakod kan suboot na pananakot ni Presidente Rodrigo Duterte sa nasambitan na deklarasyon kun magkakaigwa nin mga pananabotahe sa nakatalaan na nationwide protest ngunyan na aldaw katakod kan komemorasyon kan ika-45 taon kan martial law declaration.
Pigigibo sana suboot ini kan presidente ngani na mahandal an mga mapartisipar sa isasagibong rally.
Segun ki Casilihan, sa historya kan nasyon, warang mga miyembro kan rebeldeng New Peoples Armay (NPA) na nagsasabay sa mga hiro protesta na kontraryo sa pigtataram kan nagkapira.
Pigduon man kaini an karapatan kan mga namamanwa na magpahayag nin opinsyon asin pagkuwestyon sa gobyerno sa mga plano kaini para sa mga Pilipino.
Dugang pa ni Casilihan na nuarin man dae nagpuon nin dahas an mga progresibong grupo na nagasagibo nin rally kun sain an mga pulis pa kun minsan an nagpupuon nin kariribukan pag pigbubuwag an saindang protesta.
