LEGAZPI CITY – Pighayag kan Bayan Bicol na pigmi-militarize kan gobyerno an civilian authority huli sa pagdesigar sa haralangkaw na pwesto sa gobyerno kan mga dating heneral.
Segun ki Vince Casilihan, tagapagraram kan nasambitan na grupo, an paglalaag suboot kan mga ini sa gobyerno an dapat na ikahandal huli ta bako man angkop an saindang kakayanan sa itinaong posisyon.
Segun digdi garing ipiglalaog suboot sa gobyerno an gabos na mga dating militar.
Pigduon man ni Casilihan na harayo an katangian asin kakaytanan kan mga ini kun kaya dae malalaoman an magayon na serbisyo sa mga namamanwa.
Dugang pa kan progresibong grupo na kun babalikan, dakol na pigibong pagbalgar sa diretsos romanos an mga dating opisyal na ini kaya bako karapat-dapat sa saindang pwesto.
Kinakaipuhan suboot na bako politikal an pagbasehan kundi an saindang kakayanan na magserbi sa mga namamanwa.
Katakod kaini, nangapudan si Casilihan sa publiko na dae sana magtukaw kundi mag-analisar man sa mga nahihiling asin nadadangog sa pamamalakad sa gobyerno.
