LEGAZPI CITY- Iningganyar kan Bayan Bicol an mga tricycle drivers na makisumaro sa kamawotan kan mga jeepney drivers na dae madagos an planong pagphaseout kan gobyerno sa mga behikulong labi na sa 15 taon an edad.
Sinabi ni Vince Casilihan, tagapagtaram kan Bayan Bicol na namumundo sinda sa lakdang na ini kan gobyerno huli ta dakula an magigin epekto kaini sa pagkabuhay kan mga drivers siring na man sa mga commuters.
Dapat suboot na magkasararo an gabos na sektor sa pagkontra bako sana sa jeepney alagad sa iba pang pampublikong behikulo na makakabale sa phaseout.
Nagpapasalamat man si Casilihan sa mga Local Government Units (LGUs) asin eskwelahan na nag-anunsyar nin class asin work suspension order durante kan nationwide transport strike.
Para kaya suboot sa Bayan Bicol, nagpapahiling ini nin pagsuporta sa mga drivers na pwedesir na maapektaran kun madagos an planong pagpapapundo sa operasyon kan mga lumang jeep.
