LEGAZPI CITY — Ipigbubusol ngonian sa Senado an ‘Bawas Presyo Bill’ kasunod kan padagos na paglangkaw kan presyo kan mga pangenot na babarakalon sa nacion.
Sa intrevista kan Bombo Radyo Legazpi ki Senator Bam Aquino na principal author man kan Free Education Law, pigduon kaini an importansya kan nasambitan na propuesto urog pa ngunyan namamatean na an epekto kan Tax Reform for Acceleration and Inclusion (TRAIN) law.
Obheto kan propuesto na suspendiron an an excise tax sa produktong petrolyo sa irarom kan TRAIN law urog pa ngunyan na padagos na naglalangkaw an inflation sa nacion.
Segun sa senador, target nindang maipasar ini antes pa an bulan kan Enero ngani na mapugulan an magkakasunod pang paglangkaw kan presyo kan petrolyo.
Pigduon ni Aquino na padagos nindang pigmamawot na mahanapan nin solusyon an mga problemang pigkakahampang kan mga Pilipino makalihis na maaraman an hinaing kan mga namamanwa sa saindang paglilibot sa manlain lain na lugar sa nacion.
