LEGAZPI CITY — Isinangat ni AKO-Bicol Rep. Rodel Batocabe an sarong propuesto na ma-mandato sa enterong eskwelahan na magkaigwa nin preparasyon asin pag-edukar para sa linog.
Kasunod ini kan nangyaring haros magkakasunod na linog na tuminama sa Batangas kan mga nakalihis na aldaw.
Segun ki Batocabe, naprobaran kan nangyaring linog na bako preparado an mga Pilipino sa 7.2-magnitude na linog na segun sa mga eksperto posibleng magtama sa Metro Manila ano man na oras.
Makaalarma suboot an nadarang danyos an panic sa mga tawo kan magkakasunod na paglinog sa ibong kan aksyon kan gobyerno asin non-governmental organizations na maipaaram sa gabos an pag-abot kan pigsasabing “Big One.'”
Obheto kan House Bill No. 805 o an “Act Mandating All Schools and Universities to Establish an Area-Specific Disaster Risk Reduction Management and Education Program in their Respective Jurisdictions” na matawanan nin marhay na preparasyon an mga namamanwa para sa Big One.////////
