LEGAZPI CITY — Bako suboot uyon si AKB Partylist Rep. Rodel Batocabe na mahampang sa kasong perjury asin ethics complaint si Magdalo Party-List Rep. Gary Alejano makalihis na manumpa na totoo an isinumiteng impeachment complaint laban kay Pres. Rodrigo Duterte alagad nagluwas na wara ining personal knowledge sa mga alegayson.
Aminado si Batocabe na kontra siya sa impeachment complaint alagad bako man suboot tama na sangatan pa nin kaso si Alejano urog pa’t miyembro ini kan Kamara.
Inihayag pa kaining parte kan saindang trabaho bilang lehislador na hilingon an check and balance sa executive branch kun kaya dae suboot pwedesir na busalan an ngimot kan sisay mang miyembro kan kongreso asin pabayaang mawara an tamang proseso.
Pigrerespeto man kaini an kapwa opisyal huli sa pagtubod asin prinsipyo ni Alejano.
Marurumduman na ibinasura kasuodma kan House Committee on Justice an reklamo laban sa presidente huli sa kawaran nin sustansya.
