LEGAZPI CITY — Nagpromesa si Philippine National Police chief Director General Ronald “Bato” dela Rosa sa hampang kan mga miembro kan Police Regional Office-Bicol na mapadagos an saindang lakdang ngane na mabago an imahe kan ahensya sa ngonian.
Kadakol kayang kinakahampang na isyu an PNP asin saro na digdi an mga police scalawags na nagpupumirit na maggibo nin katiwalian.
Sa saiyang mensahe durante kan 116th Police Service Anniversary kan Bicol-PNP, sinabi ni Bato na dae sinda mapundo sa pagdakop sa mga police scalawags na mawot rauton an imahe ninda asin dae suboot ini makakalusot asin papanimbagon sa ginibong maraot na bagay.
Ini man an naging paagi kan PNP chief ngane na i-recruit an miembro kan Bicol-PNP na mawot na mai-assign sa Caloocan City Police Station asin buhayon liwat an puersa.
Segun ki Dela Rosa, mababa tulos siya nin kasuguan enkasong may boluntad na magpa-assign sa nasabing hepatura.
