Pormal nang pigbisto kan prosecution team kan International Criminal Court (ICC) an nagkapirang mga halangkaw na presente asin dating opisyales kan Pilipinas na pigtutubudang co-perpetrators o kasabwat ni dating Presidente Rodrigo Duterte sa kontrobersyal na kampanya kontra iligal na droga.
Sa pagpapadagos kan pagdangog kan International tribunal, partikularmenteng pigsaro-saro ni ICC Trial Lawyer Robynne Croft an mga pangenot na opisyal na nagkaigwa nin importanteng papel sa pag-implementar kan madugong war on drugs kan nakaaging administrasyon.
Kabale sa mga lantarang pinangaranan sa kapulungan iyo an sinda dating Philippine National Police (PNP) Chief asin presenteng Senador Ronald “Bato” Dela Rosa, Senador Christopher “Bong” Go, asin dating Department of Justice (DOJ) Secretary Vitaliano Aguirre II.
Igwa man suboot nin iba pang mga opisyales na kabale sa listahan.
An pagbisto sa mga co-perpetrators an sarong importanteng lakdang para sa taga-usig nganing patunayan na an serye kan mga paggadan an bako sana sadiring desisyon kan dating presidente, kundi igwa man nin koordinasyon asin direktang partisipasyon gikan sa saiyang mga pinagkakatiwalaan na opisyales.
 has formally identified several current and former senior Philippine officials as suspected co-perpetrators or accomplices of former President Rodrigo Duterte in the controversial anti-illegal drugs campaign.){kind=link}