LEGAZPI CITY- Ipigkokonsidirar kan Basta Driver Sweet Lover Safety Enforcer na igwa sana nin 30% tultol na drivers.
Ini huli na man suboot sa pag-isyu nin lisensya maski sa mga bako man talagang kwalipikadong magpadalagan nin behikulo na ipigtatakod sa mga fixers.
Sigon ki Ronnel Nebres, miyembro kan nasambitan na grupo, nagkukulang man sa mga traffic enforcers na matuyaw sa mga traffic violators urog na sa mga hararayong lugar kun sain nakakabwelo an mga darakulang behikulo arog kan bus asin truck.sa
Katakod kaini, suhestyon ni Nebres na pangilan an ley huli ta dakol suboot na drayber an bako disiplinado.
Pangapodan pa kaini sa mga contractor kan road widening projects na kumpletuhon an saindang warning devices ngani na maabisuhan nin tultol an mga motorista.
Para man sa Department of Environment and Natural Resources (DENR), pakiolay kaini na dae na pagpahaluyon an mga kahoy na nakakaulang na sa tinampo.
Mientrastanto, nagtutubod si Nebres na dapat na magin responsable man magin an mga pasahero arog kan simpleng pagpara o pagsakay sa tamang lugar.
Sa kabilugan, iningganyar kaini an publiko na makikooperar sa saindang pig-aapod na kampanya kontra disgrasya.
