LEGAZPI CITY- Matoninong asin nagin malinig an nangyaring barangay asin Sangguniang Kabataan (SK) elections sa barangay Bayandong sa banwaan kan Bacacay, Albay.
Ini an katakod kan pirnirmahang agreement kan gabos na mga nagdaralagan na kandidato sa lugar na dae nin matao nin anuman na kantidad karibay kan casting kan boto.
Sa intrevista kan Bombo Radyo Legazpi ki Punong Barangay Eddie Bayonanagpirmahan an gabos na kandidato para sa barangay asin SK positions na inatindiran kan abogado kan notary public Albay asin pastoral council antes an ginibong pirilian kan nakaaging Mayo 14.
Aminado man si Bayona na kadaklan sa mga residentes an namundo huli digdi alagad nanindugan man an opisyal na kaipuhan nang mapuho an vote buying na wara man na naitataong positibong resulta para sa barangay.
Pagbibida pa kan opisyal na an barangay an kaenot enoteng lugar na nagkaigwa nin siring na kasunduan nagbusol sa eleksyon na warang nairehistrong barakalan nin boto.
Mientras tanto, kamawotan ngunyan kan re-elected Punong Barangay na maipaotob man ini sa iba pang mga barangay sa masunod na mga pirilian.
