LEGAZPI CITY- Nagkokundusir na nin imbestigasyon an mga lokal na opisyal kan Barangay Puro, Legazpi City kun siisay an nasa likod kan pagtatapok nin bugok na mga bunay sa saindang lugar.
Segun ki Kagawad Nicasio Barrios sa intrevista kan Bombo Radyo Legazpi na ipig-aagrangay kan nagkapirang mga residente na nagkawsa nin pangungulog nin tulak an mabatang parong na hali sa nasabing mga bunay.
Paliwanag kan opisyal na pigbabalo ninda na magin malinig an saindang lugar alagad igwang bako disiplinadong mga indibidwal na nagraraot sa saindang imahe.
Ini urog pang igwang mga turista na nagpapasyar sa nasabing barangay.
Segun ki Barrios na pigigibo na ngunyan kan mga barangay officials an gabos ngani na mapanimbag an nasa likod kan nasabing kapabayaan asin ngani na dae na ini mautro pa.
