Barangay officials eligibility, pwedesir nang makua kan mga opisyales na napalawig an termino

LEGAZPI CITY – Padagos an pag-engganyar kan Civil Service Commission (CSC) sa mga opisyales kan barangay na magsumiter na kan saindang elegibility urog na an mga nailehir kan Oktubre 2013.

Segun ki Sharon Flores, division head kan Public Affairs and Liason Office kan CSC, pwedesir nang magkua kan saindang barangay officials eligibility an mga opisyales maski dae pa natatapos an saindang termino.

Haloy na suboot ini alagad ibinaba an Republic Act 10923 o an pagpendiente kan 2016 SK and Barangay Elections.

Kinakaipuhan sanang magpasiring sa opisna kan ahensya kan mga barangay officials dara an mga isusumiter na rekisitos arog kan CSC form, picture, ID, police clearance, PhilHealth asin iba pang opisyal na dokumento.

An barangay officials eligibility segun ki Flores an kaipuhan sa career service urog na kun ma-apply nin trabaho sa gobyerno.