LEGAZPI CITY – Napasakamot kan mga otoridad an Number 10 Municipal Most Wanted Person kan Donsol Sorsogon.
Naarestar an akusadong si Joleto Lopez, 58-anyos, paraoma asin barangay kagawad kan Barangay San Vicente sa nasambitan na banwaan.
Dinakop ini kan Donsol Municipal Police sa bisa kan mandamiento de aresto gikan ki Hon. Judge Rofebar Gerona kan Regional Trial Court Branch 53 kan Sorsogon City.
Akusado si Lopez sa kasong Frustrated Homicide na may kakabit na pyansang P24,000.
Nasa kustodiya na ini ngunyan kan nasambitan na pulisya para sa magkakanigong disposisyon.
