LEGAZPI CITY – Naghahanda na an mga opisyales kan Barangay Capantawan, Legazpi City para sa isasagibo nindang fiesta trade fair asin night market ngonian na taon na parte kan ka-fiestahan kan ciudad.
Segun ki Punong Barangay Eric Brizuela sa intrevista kan Bombo Radyo Legazpi na nagkaigwa na sinda nin serye nin orolay kaiba an lokal na gobierno kan Legazpi City asin gabos na stakeholders asin iba pang grupo.
Isasagibo man an aktibidad sa maabot na Oktubre 15 asin nakatalaang magtapos sa Oktubre 25 kun sain may labi 90 nang saradit na negosyante asin mga lokal na paraooma an nagkumpirmar na makikusumaro.
Nakatalaan man suboot na magsagibo nin road closure sa lugar na pagbubugtakan kan trade fair asin night market poon alas tres nin hapon sagkod alas dose nin maagahon kun kaya hagad ninda an pagsabot kan publiko urog na an mga maapektaran na mga establisyemento.
Pigtaram pa kan opisyal na piglalaoman ninda an pagruso kan publiko kun kaya magtatarabangan an saindang konseho, Legazpi City Public Safety Office, asin Philippine National Police nganing mamantenir an pazy orden sa enterong durasyon kan aktibidad.
Pig-enganyar man ni Brizuela an publiko na makisumaro sa saindang aktibidad asin suportaran an mga prudoktong ioofresir kan mga lokal na paratienda asin paraooma nganing matabangan man sinda sa siring na paagi.
