LEGAZPI CITY- Nagpaluwas nin Executive Order an Punong Barangay kan Buyuan, Legazpi City ngani na ipagsugo an pagbabawal sa paglaog nin dump truck sa saindang lugar.
Segun ki Kapitan Ronaldo Miña sa intrevista kan Bombo Radyo Legazpi na nagsunad na man nin resolusyon asin nakatalaan na dangugon kan Sangguniang Barangay an dapit sa nasabing kasuguan.
Paliwanag kan opisyal na apektado kan pagpapabalik-balik kan mga dump truck an kaligtasan kan saindang mga residente.
Ini urog pang an day care center, elementary school asin dakol na mga harong an nasa gilid kan tinampo na posibleng maapektaran enkasong maaksidente an nasabing mga behikulo.
Dugang pa kaini na an tinampo sa saindang barangay an sadit sana asin naka disenyo sana para sa mga light vehicles.
Sa presente maglalaag na suboot nin mga signages sa barangay ngani na maipaaram an nasabing executive order mantang maagi pa sa public hearing an resolusyon.
Mientras tanto, sinabi ni Kapitan Miña na enkasong igwang kasuguan an mga higher authorities dapit digdi, handa man sindang magsunod.
