LEGAZPI CITY-Padagos an pag-implementar kan konseho kan Barangay Buyoan Legazpi City manungod sa paghale kan mga stray dogs sa mga agihan para sa kaligtasan kan publiko.
Segun kay Punong Barangay Ronaldo Miña, sa intrevista kan Bombo Radyo Legazpi, na haloy na ining ordinansa kan ciudad asin sa nacion manungod sa pagdakop kan mga ataman na ayam sa kumunidad.
Afuera sa iligal na parking sa lugar, kadakol suboot an nagrereklamo manungod sa mga aksidente nin motorsiklo asin mga nakagat kan mga ataman na ini sa saindang barangay.
Alagad, pagabot suboot sa paghahanap kan kadsadiri, an warang accountability siring man an warang nagaako kan mga ayam.
Sa ngonian, pigpaparehistro na ninda an gabos na ataman na ayam sa saindang barangay ngani mas madali an paghahanap kan mga may kadsadiri kaini.
Nahihiling man suboot an problema sa kakulangan nin pagpapabakuna sa mga ataman na ayam sa saindang lugar.
Nasa 9 na mga stray dogs man an nadakop asin dai na man suboot pigre-release pa an mga delikadong ayam.
Magtetenir man an gabos na nadakop na ayam sa city veterany office para sinda na an bahala sa mga derogatives kaini.
Naghahagad man nin pasensya an saindang konseho sa mga may sadiri kan ayam manungod sa implematasyon asin pigaabisuhan na magsunod o gakudan na an saindang mga ataman ngani dai na makaperwisyo pa sa kumunidad.
