LEGAZPI CITY-Mahigot na pigpapagirumduman kan konseho kan Barangay Buyoan Legazpi City an saindang mga residentes ngani malikayan an anumang peligro sa pagsabat kan Bagong Taon.
Segun kay Punong Barangay Ronaldo B. Miña sa intrevista kan Bombo Radyo Legazpi na mantang may kadifisilan huli sa saro ining selebrasyon, na kaipuhan nindang i-minimized.
Siring kan paggamit kan “Boga” kan mga joven, labing paginom asin an pagkakaigwa nin anumang insidente sa pagsabat kan selebrasyon.
Pigaabisuhan na man ninda an mga magurang manungod sa mga joven an naggamit nin boga.
Nagkaigwa na man nin orden ngani maibitaran an paginom kan mga appointed official kan barangay sa bisperas kan bagong taon.
Dugang pa kan opisyal na naka-designar na an saindang Barangay Health Workers asin naka-preposition na an saindang emergency vehicles para sa posibleng mga maaksidente huli sa paputok o anuman na bagay.
Mensahe kan opisyal na ibitaran an paggamit kan makukusog na paputok asin laoman na dai mautro pa an mga dating insidente sa saindang barangay.
