Legazpi City – Nagpaluwas na nin kasuguan para sa Pre-emptive evacution an banwaan kan Libon sa mga residente na posibleng maapektaran kan epekto ni Bagyong Pipeto.
Sa intrevista kan Bombo Radyo Legazpi kay Mayor Das Maronilla, an alkalde kan Banwaan kan Libon, magpuon ngunyan na aldaw ipinagsugo na sa mga Barangay official na ipautob an pre-emptive evacuation. Mantang enot na man na nagpautob nin pre-emptive evacuation sa barangay kan Burabod kasuudma huli na man ta kun babalikan an barangay an labing naapektaran kan landslide kan nakalihis na mga raot nin panahon.
Ipinagsierto man kan alkalde na bastante an mga temporary shelter na pagtitiniran kan mgaapektadong residente. Naging adal na suboot sa saindang LGU an nangyaring danyos kan nakalihis na panrarapado ni Bagyong Kristine.
Ipinagkakahandal na man kan alkalde an pagkukuwaan nin resources para sa disaster response lalo na sa mga ayuda kan mga evacuees huli sa aminado ini na ubos na an budget kan LGU. Sa datos kan LGU haros maabot na sana sa limang aldaw an mga stock nin relief goods an natatada sa banwaan.
Sa presente nangapudan man an alkade sa mga residente na dae na nguna magbalik sa saindang mga harong para sa pag’asigurar na daeng maging casualty oras na manrapado si Pepito sa Bicol region.
