Target kan Kamara de Representantes na inspeksyunon an bank records ni Vice President Sara Duterte bilang parte kan impeachment proceedings segun ki House Deputy Speaker Representative Paolo Ortega.
Sa sarong pahayag, sinabi kan mambabatas na seryoso asin makahandal an mga akusasyon na isinangat sa ikaapat na impeachment complaint, na may nagkapirang mga claims na nag-aakusar nin mga bank account, properties, asin mga transaksyon nin kwarta na dai nakadeklara sa Statement of Assets, Liabilities, and Net Worth (SALN) kan Bise Presidente.
Sa ika-apat na impeachment complaint na isinangat laban sa Bise Presidente kan Miyerkules, inakusaran ini nin suboot betrayal of public trust asin culpable violation of the Constitution.
Segun ki Ortega, kun mandato kan mga public officials na ideklarar an gabos na assets asin mamuhay nin simple, ikokonsiderar suboot na sarong seryosong constitutional concern an ano man na ‘material omission’, bagay na dai dapat ipagpasipara kan Hababang Kapulungan.
Piglinaw kan mambabatas na bako ini conviction, kundi sarong proseso.
Magigirumduman na naglobo nin labi sa 1,000% an net worth kan Bise Presidente sa laog nin 17 taon, hale sa labi sa P7.2 million kan 2007 asin naglangkaw ini sa P88.5 million base sa saiyang SALN kan Disyembre 31, 2024.
