LEGAZPI CITY — Isinairarom na ngunyan sa imbestigasyon an bangkay kan sarong babayi na nakua sa laog kan lodging house sa Brgy. Dunao, Ligao City.
Enot kaini, ipinaabot kan sarong security guard an nasambitan na impormasyon makalihis na madiskubre an nasambitan na bangkay sa saro sa mga comfort room sa lugar.
Nakatukaw suboot ini sa bowl kan mahiling asin igwa nin nakabusal sa ngimot mientras na nakasulot nin kolor itom asin orange na PE uniform alagad nakababa an sulot na leggings.
Mientrastanto, pighahanap na kan Ligao City Police an lalaking huring nakaibanan kaini sa paglaog sa nasambitan na lugar.
Sa ngunyan, dae pa nin pagkabisto an nasambitan na babayi mantang padagos pa an imbestigasyon kan mga otoridad sa nasambitan na insidente.
