LEGAZPI CITY — Emosyunal na sinabat kan pamilya Lunas an bangkay kan saindang nalagas na miembro katakod kan nangyayaring kariribukan entre kan mga tropa kan mga militar asin teroristang Maute sa ciudad kan Marawi.
Alas-10:40 kasubagong aga kan pormal nang maihatod sa harong kaini sa Brgy. Hindi, banwaan kan Bacacay, Albay an bangkay ni Private Bernie John Lunas.
Nangibabaw sa apat na kanto kan harong an makusog na kurahaw asin paghibi kan mga partidarios makalihis na mahiling an 21-anyos na suldado.
Dakulang panghihinayang man kan padre de pamilya na si Brgy Kapitan Juan Lunas huli ta duwang semana pa sanang nakakatapos sa schooling an aki kan ipadara sa giyera kan Hunyo 4.
Dae man kaini maitago an kulog-boot sa sinapar kan aki alagad pigrerespeto asin ipigbida an trabaho ni Bernie para sa nacion.
Magigirumdumang kasabay ini sa 58 suldados na nagadan asin tinawanan nin military honors o high noon salute kasuodma sa Fort Bonifacio sa Taguig City kasabay kan ika-119 Independence Day asin ipigkokonsiderar man bilang herowe kan Pilipinas.
