LEGAZPI CITY- Ipigsugo na an pag half-staff sa bandera kan bilog na Italya bilang pagpapahiling nin pagmumundo asin pagtataong honra sa namaaram na si Pope Francis.
Marurumduman na sinabi kan Vatican na binawian nin buhay an 88-anyos na Santo Papa huli sa stroke asin irreversible heart failure.
Segun ki Bombo International Correspondent Darlito Pacis na padagos man an pagpapaabot nin pakikidumamay kan mga world leaders.
Sa presente kaya, nagmumundo an bilog na kinaban huli sa pamamaaram kan lider kan Simbahang Katolika.
Mientras tanto, nakabantay man suboot sa ngunyan an bilog na Italya sa masunod na mga lakdang kan Vatican para sa mga isasagibong proseso para sa Santo Papa.
