LEGAZPI CITY – Nakalinyada na an mga aktibidades na dapat antabayanan kan mga Albayano sa kafiestahan sa banwaan kan Daraga.
Segun ki Councilor Archie Bajamundi sa intrevista kan Bombo Radyo Legazpi, magpapa-ugma sa grand opening kan town fiesta an bandang Rocksteddy sa Agosto 30.
Piglalaoman na magpi-perform an banda sa T. Perez St. asin bako na sa Rizal St. tangarig na dae maulang an bulos kan trapiko.
Paliwanag kan opisyal, busy road an Rizal Street kaya gigibuhon munang two-way durante kan aktibidad ngani na dae maulang an biyahe kan mga motorista asin mga commuters.
Dugang pa ni Bajamundi na pinaglalaoman an bulos kan mga turista na mapartisipar sa mga aktibidad sa kafiestahan sa banwaan.
An Rocksteddy an compuesto kan mga miyembro na sinda band vocalist asin TV show host Teddy Corpuz, Jeff Cucullo, Christian Sindico asin Juven Pelingon.
Pinasikat kan grupo an mga kantang “Blue Jeans”, “Magpakailanman”, “Boy Kulot” asin dakol na iba pa.
