LEGAZPI CITY- Amay na nagpatanid an Ban Toxics sa publiko kontra sa pagbakal nin Halloween Products na pwedesir na may dara nin nakakalasong kemikal.
Segun kay Tony Dizon,an Ban Toxic Campaigner sa intrevista kan Bombo Radyo Legazpi, igwa suboot na nagkapirang Halloween costume asin decoration arog kan mga maskara asin face paint an nakompirmar na igwang chemical na pwedesir na makaraot sa utak kan mga kaakian na mabakal kaini.
Target man suboot kaining mga nakakalasong kemikal an child development asin behavioral changes lalo na kun makadukot an mga produktong ini sa mga kublit kan mga kaakian.
Nanutaran man kan nasabing grupo na kadaklan suboot sa mga halloween products na pigpapabakal an naka plastik sana asin warang etiqueta.
Segun pa sa opisyal na nagpadara na sinda nin surat asin pigreport naman ini sa Food and Drug Administration asin Department of Trade and Industry.
Mientrastanto, naglalaom an nasabing grupo na makapag libot man an mga regulatory agencies sa mga tindahan kan mga halloween costume asin decoration dawa pa haloy pa an selebrasyon kan Undas sa nasyon.
