LEGAZPI CITY- Liwat na nagpagirumdom an grupong BAN Toxic sa mas responsableng lakdang ngunyan na holiday season kun sain komon na talamak an paggamit nin paputok.
Segun ki Ban Toxic Campaigner Thony Dizon sa intrevista kan Bombo Radyo Legazpi na taun-taon na naglalangkaw an mga fire cracker related injuries sa nacion.
Tinuyaw man kan opisyal an mas madaling access sa pagbakal kan publiko asin kan mga kaakian sa paputok.
Nagreresulta suboot sa matinding danyos sa salud an mga paputok urog na an mga kemikal na dara kaini.
Huli digdi, sinabi kan grupo na kinakaipuhan na higuta an inspeksyon sa mga nagigibo asin nagpapabakal nin paputok sa nacion.
Marurumduman na enot ng nagluwas an Department of Health nin listahan kan mga kemikal na igwa an nagkapirang klase nin paputok.
