Nagluwas na an resulta kan ballistics asin autopsy examination sa tulong estudyante na nagadan sa pambabadil sa San Jose National High School sa Tacloban City.
Segun sa Philippine National Police (PNP) Regional Forensics Unit 8, an tulong biktima an tinamaan nin bala hali sa harayong anggulo, na nagpapahiwatig na an pambabadil an ginibo nin warang partikular na pinupuntirya.
Basado sa mga eksaminasyon, tuminama an bala sa importanteng parte kan lawas kan mga biktima na nagin rason kan saindang pagkagadan.
Pighahanda na man ngunyan kan mga otoridad an pinal na forensic report ngani na isumite sa mga imbestigador.
Mientras tanto, sinabi kan PNP na magsusunad sinda nin kaso kontra sa tiyahin kan 14-anyos na suspek na sarong pulis, huli sa pagpapabaya na makuwa an saiyang service fire-arm.
Segun sa PNP na posible man na mahampang sa kaparehong kaso an lolo kan saro sa mga suspek na pigtataram na tagsadiri kan kalibre .38 na armas na ginamit sa insidente.
