Nagluwas nin warrant of arrest ang Makati City Regional Trial Court Branch 148 laban kay Atty. Levito Baligod para sa duwang counts nin cyberlibel.
Nagpuon ini sa isinunad na reklamo ni Agriculture Sec. Francisco Tiu Laurel Jr. na inakusahang nagresibe nin kickback sa maanumalyang flood control projects.
Afuera digdi, pinagbabayad si Baligod nin P20,000 piyansa para sa kada counts kan cyber libel. Sinugo man an mga awtoridad na sunudon an mga mga kan Korte Suprema sa paggamit kan body-worn cameras o iba pang recording devices mantang isasagibo an pag-aresto sa abogado.
Kinumpirma man ni Baligod na natanggap niya an kopya kan warrant of arrest.
Alagad pagdoon niya na dae siya natawan nin pagkakataon idepensar an saiyang sadiri huli dae suboot siya nakatanggap nin subpoena hale sa piskalya.
Segun pa sa abogado, sala suboot an address na itinao sa panahon kan imbestigasyon kaya dae siya nakapagsumiter kan saiyang counter-affidavit.
Si Baligod an nagrerepresentar na counsel kan nagpabistong dating bodyguard ni dating Ako Bicol Party-list Representative Zaldy Co na presenteng at large huli sa mga kasong pigjkakahampang sa nacion.
