LEGAZPI CITY- Hinale kan Albay Provincial Library an misconception kan mga ciudadano sa paghiling sa mga library kun saen tipikal nang pigpepensar na luma na an mga mahihiling na research material sa pasilidad.
Tinawang-duon ni Amlyn Bautista, provincial librarian na nagpapadagos man an saindang innovation asin pagdugang kan mga bagong libro asin sections sa pasilidad kun kaya nakakasabay man ini sa modernisasyon.
Dugang pa ni Bautista na dawa pa makusog an presensya kan internet, kinakaipuhan man giraray suboot na magbasa sa libro urog na dae magagarantiyahan na tama an gabos na mahihiling digdi mientras na nag-abiso pa na pilion sana an mga site na ia-access.
Mientras tanto, ipighayag kaini na sa kahaluyan kan saiyang pagta-trabaho sa library kan Albay puon 1999, manlaen-laen na suboot an kliyenteng nakahampang niya puon sa mga aki na direcho sa children’s book hasta sa mga senior citizens na mahilig sa dyaryo kaya ikinamundo man kaini an paramientras na pagsarado kan pasilidad huli sa isinagibong renovation sa laog alagad liwat na nagbukas kan nakaaging bulan kan Mayo.
Piglalaoman naman kaini an dakol na mabisita sa lugar urog na nagpuon na an kralasehan ngonian na semana.
