LEGAZPI CITY-Nagkukusog pa an bagyong Podul asin ngonian nasa severe tropical storm na ini.
Huring nahiling sa rayong 2,155 kilometro sa sirangan kan Extreme Northern Luzon.
Dara kaini an maximum sustained winds na 95 kilometer per hour sa tahaw asin pagbugso kan paros na nagaabot sa 115 kilometer per hour.
Maluway an paghiro kan weather disturbance na pa-kanluran, hilagang-kanlurang direksyon.
Nagaabot hasta 250 kilometero hale sa tahaw an kusog kan paros kan bagyo hale sa makukusog na storm-force winds.
Alagad, dai man laoman na direktang makakapektar an Bagyong Podul sa panahon asin sa kondisyon kan kadagatan sa nacion sa masunod na limang aldaw.
Laoman man na mahiro ini pa-kanluran saaga (Agosto 10) asin sa Lunes (Agosto 11), bago maglihis pa-kanluran hilagang-kanluran o hilagang-kanluran sa Martes (Agosto 12) hasta sa pagtatapos kan forecast period.
