Padagos na nakaka apektar an bagyong Inday asin an habagat sa dakulang parte kan nacion ngunyan na Huwebes, segun sa Philippine Atmospheric, Geophysical and Astronomical Services Administration (PAGASA).
An nasabing raot nin panahon an namataan sa 940 kilometro sirangan kan northern Luzon.
Makaka eksperyensya nin mga pag-uran sa Cagayan Valley, Cordillera Administrative Region, Ilocos Norte, Aurora, asin Catanduanes.
Katakod kaini, nagpatanid an PAGASA sa posibleng pagbaha asin pagrasay nin daga sa nasabing mga lugar .
Mientras tanto, huli man sa habagat makaka eksperyensya nin mapanganuron na kalangitan na may kalat kalat na pag-uran asin pagdaguldol sa MIMAROPA, Western Visayas, Negros Island Region, Zamboanga Peninsula, BARMM, Lanao del Norte, Sultan Kudarat, Sarangani, asin South Cotabato.
