LEGAZPI CITY-Padagos na pigbabantayan kan Philippine Atmospheric, Geophysical and Astronomical Services Administration (PAGASA) an bagyong Emong, na sa presente nasa rayong 175 kilometro sa kanluran kan Dagupan City, Pangasinan.
Basado sa datos, haros dai naghihiro an bagyo, alagad nagettenir ining makusog dara an maximum sustained winds na 120 km/h asin pagbugso nin paros na nagaabot sa 150 km/h.
Nasa Signal No. 3 na sa Pangasinan, La Union, Ilocos Sur, asin Abra.
Piglalaoman man an matinding paguuran asin makukusog na paros na posibleng magresulta nin pinsala sa mga harong, imprastraktura, asin tanoman.
Nasa Signal No. 2 naman an bilog na Ilocos Norte, natatadang parte kan Abra, nagkapirang lugar sa Mountain Province, Ifugao, Kalinga, Benguet, Nueva Vizcaya, asin mga banwaan sa norte kan Cagayan kairiba an Babuyan Islands.
Posible man an pagkansela kan klase asin pagbabantay sa mga low-lying areas na madaling agihan nin baha.
Signal No. 1 naman sa Batanes, natatadang parte kan Cagayan, Isabela, Quirino, Zambales, Tarlac, asin Nueva Ecija, kung sain laoman an maulap na kalangitan asin pag-uulran.
Abiso sa gabos na apektadong lugar na mag-ingat, maghanda sa posibleng epekto kan bagyo, asin magsunod sa direktiba kan lokal na gobierno.
An mga residente sa coastal asin mountainous areas, pinag-iingat sa posibleng landslide, storm surge, asin mga pagbaha.
