LEGAZPI CITY—Makalihis na makaguno nin anom na bulawang medalya sa Dancesport Elementary Modern Standard Finals kan Palarong Bicol 2025, nakatalaang irepresentar kan Bagwis Catanduanes Dance Sports an rehiyong Bicol sa gigibohon na Palarong Pambansa.
Segun ki Schools Division Office Sports Division Officer Fidel Vegim, sa intrevista kan Bombo Radyo Legazpi, an makikipagkompetensya sa nasambit na kategorya iyo sinda Patricia Arlet Sy asin Mark Renjie Tabor.
Sinabi kaini na si Arlet Sy pantolo nang beses na marepresentar kan rehiyong Bicol sa Palarong Pambansa.
Mantang an partner kaining si Mark Renjie Tabor an primerong beses na nagpartisipar sa Palarong Bicol.
Dugang kan opisyal na nakatabang sa kapangganahan kan duwang delegado an padagos na pag-training asin pag-intra sa mga dance competition sa manlaen-laen na lugar, siring na man an presensya kan saindang mga padaba sa buhay na nakakadugang sa morale kan mga kaakian.
Mientrastanto, padagos man an saindang paghagad nin pangadyi asin suporta mapadapit sa mga natatada pang mga kawat asin events na pigpapartisiparan kan saindang mga delegado sa Palarong Bicol 2025.
