LEGAZPI CITY-Nag-ooperar na an bagong Solar Waterpump System sa relocation site kan Barangay Buang sa ciudad kan Tabaco.
Segun kay Kapitan Euseco Laurico kan Barangay Buang Tabaco City, sa intrevista kan Bombo Radyo legazpi, inisyatibo ini kan Local Government Unit (LGU) ngani magkaigwa kaini an mga baranggay.
An nasambitang system, nailokar sa Purok, sa mga relocation sites, asin pwedisir na ining magamit kan mga tawo.
Pigpaotob suboot ini kan sarong engineer, mantang nahiling na kaipuhan an siring kaining operasyon sa nasambitang lugar.
Nag-alokar man suboot nin 5 Milyon para sa nasambitang Solar Waterpump System na kayang magkaigwa nin 4000 na litro kada tank.
Mensahe man kan opisyal na sana pagmakulogan an mga gamit ngani dae madistroso ini asin magtarabanagan an mga residente sa mga siring kaini na programa.
