LEGAZPI CITY- Nagpatanid ngonian si Albay Provincial Board Member asin ABC President John Phillip Lee sa mga opisyal kan barangay na dae magtubod-tubod sa mga naglalakop na scammers na target an mga ini.
Sa intrevista kan Bombo Radyo Legazpi ki Lee, napag-araman na igwa nang mga nakaabot na report saiya kan mga naglilibot na mga scammer na naghahagad suboot nin kwarta sa mga barangay kapitan asin kagawad urog na sa mga hararayong lugar karibay suboot kan suporta en kaso mag-appoint na nin mga opisyal si Presidente Rodrigo Duterte.
Klinaripikar pa kan opisyal na wara pa man sa ngonian na ipigbabang ley an Kongreso kun madadagos o dae an pirilian na siyang magdidikta man kun madadagos o dae an appointment kan mga barangay officials.
Nangapodan man si Lee kan pagtatarabangan sa komunidad asin sa ikakaarestar na man kan mga grupong posibleng nasa likod kan bagong scheme nin panloloko.
En kaso na makatupar man kan mga nago-ofrecir kan suboot tabang saappointment, hagad man kaini na tulos ipagtaong-aram sa mga otoridad para sa magkakanigong legal na aksyon.
