LEGAZPI CITY-Kaiba sa mga pangenot na prayoridad ni Police Colonel Darwin S Miranda an an mahigot na pagpapaotob sa ley asin disiplina sa hanay kan pulisya makalihis ining pormal na manungkulan bilang bagong Provincial Director kan Sorsogon Police Provincial Office (PPO).
Segun ki Sorsogon PPO Public Information Officer Police Major Arwin Destacamento, sa intrevista kan Bombo Radyo Legazpi na mainit na tinanggap an bagong Provincial Director kan saindang himpilan asin nagkaigwa nin assumption of office kan Huwebes, Setyembre 10, 2026.
Pinangenotan an nasabing seremonya kan pamunuan kan Police Regional Office 5, kun sain pig-welcome an bagong Provincial Director kan Sorsogon kairiba an mga partner agencies, stakeholders, asin mga media.
Nagkaigwa man nin sarong press conference meeting durante kan nasambitang seremonya.
Sinabi ni Destacamento na parte na ini kan PNP kun sain enkaso nagkaigwa na nin duwang taon na pagseserbi, nagkakaigwa nin change of command o palitan kan posisyon.
Pinaglalaoman suboot kan bagong Provincial Director kan Sorsogon an pagpapahigot sa anti-criminality asin law enforcment operations
