LEGAZPI CITY – Kamawotan ngunyan kan bagong pamayo kan Department of Public Works and Highways (DPWH) Bicol na maipahiling an teamwork sa ahensya.
Segun ki Danilo Versola, mawot niyang magtarabang an lambang saro ngane na maitao an pinakamaray na serbisyong pang-imprastraktura sa mga Bicolano.
Dugang kaini, kadakol na agyat an kaipuhan nindang kahampangon alagad pigtatawan kaining halangkaw na importansya an teamwork na pigtatao kan kada team player para sa obheto kan bilog na organisasyon.
Enot ng naidesignar si Versola sa Caraga region na nagserbi bilang DPWH regional director sa laog nin haros pitong taon.
Igwa man siya nin 39 taong serbisyo sa gobyerno.
Niribayan ni Versola an si dating DPWH Bicol director Reynaldo Tagudando na ngunyang naidesignar bilang director kan Bureau of Research and Standards kan DPWH central office.
Nagserbi man si Tagudando bilang director kan ahensya sa rehiyon nin haros duwang taon.
