LEGAZPI CITY — Pormal nang nagtukaw sa pwesto an bagong pamayo kan 9th Infantry Division (ID), Philippine Army makalihis an ipigsagibong turn over ceremony sa Army headquarters sa banwaan kan Pili, Camarines Sur.
Ipigdesignar si Brig. Gen Danilo Chad Isleta bilang commanding general kan 9th ID sa Camp Elias Angeles, Barangay San Jose sa nasambitan na banwaan.
Segun ki Capt. Joash Pramis, tagapagtaram kan 9th ID, sinalidahan si Isleta si Army Maj. Gen Monolito Orense na naabot na an mandatory retirement age.
An 9th Infantry Division an namamayo saq tulong Army brigades na naga-operar sa anom na probinsya sa bilog na Bicol Region.
Antes an saiyang bagong posisyon, nagi siyang assistant division commander kan 9ID.
Si Isleta an 1985 graduate kan Philippine Military Academy asin dating commander kan 10th Field Artillery Battalion, assistant chief of staff para sa Civil-Military Operations, chief of Army’s Strategic and Special Studies Office asin senior military aid to the Secretary of National Defense.
