LEGAZPI CITY-Tututukan kan bagong liderato kan Philippine National Police Bicol an kriminalidad, moral asin disiplina kan kapulisan siring man an mga polisiya para sa komunidad.
Susog sa pahayag kan bagong Regional Director kan Police Regional Office 5 na si Police Brigader General Erosito Narito Miranda, na ipapadagos niya an pag-deliver nin kalidad na serbisyo sa mga Bikolano asin an pagkakaigwa nin mga stratehiya para sa katoninongan asin seguridad sa mga komunidad.
Sa saiyang liderato magigin katuwang suboot an PNP kan mga local government unit, mga ahensya, asin kan publiko sa anumang mga pangangaipohan.
Tinawan doon man kan otoridad na dai ito-tolerate an anumang pagbayolar sa ley, mga polisiya, asin mga regulasyon.
Bilang pagigin komitido mapokus man suboot an bagong liderato sa moral asin welfare kan gabos na mga personahes siring man an pagimplementar nin pagdi-disiplina.
