LEGAZPI CITY- Dakula an pasasalamat kan mga lokal na opisyal sa provincia kan Sorsogon sa naresibe kaining high speed response boat 021.
Segun ki Sorsogon Coast Guard Station Commander Captain Julian Bayawa Jr. sa intrevista kan Bombo Radyo Legazpi na dakulang tabang an nasabing speedboat sa pagresponde sa anuman na emerhensya.
Aminado kaya an opisyal na nagtetenir na limitado an mga water assets kan ahensya.
Sa presente an Sorsogon Coast Guard an igwa suboot na sarong rubber boat asin limang aluminum boat.
Marurumduman na target na matawan nin dugang na mga assets an gabos na mga provincia sa Bicol region.
Dugang pa ni Bawaya na an darakulang barko an komon na nag-aagi sa Sorsogon partikular na sa San Bernardino Strait kaya kinakaipuhan talaga kan coast guard nin dugang na mga kagamitan ngani na magibo an saindang mandato na magbantay sa kadagatan asin magresponde sa anuman na sakuna.
