LEGAZPI CITY- Pinag-aaram pa kan mga otoridad kung sisay an responsable sa nairehistrong pagsabog sa bagong contruir na tinampo sa Barangay Managanaga pasiring sa Macabug, Aroroy, Masbate.
Segun sa Aroroy Municipal Police Station, sarong concerned citizen an nagreport manungod sa makusog na pagsabog na nadangog sa nasabing lugar.
Tulos man na nagresponde an PNP kung sain nakumpirmar na naraot na an sarong Bucket-Crawler type Excavator na nakaparada sa bagong gibong tinampo.
Wara naman nin naireport na nakulogan o nadamay na istruktura sa insidente.
Sa ngunyan pinaghahanap na kan mga otoridad kung sisay an posibleng nagtanom kan bomba asin kung ano an motibo sa pagpapasabog.
