LEGAZPI CITY- Naka-konsentrar ngonian an National Food Authority (NFA) Bicol sa piglalaomang pag-abot sa iaangkat na 250, 000 metric tons nin bagas na makakatabang sa pagreplenish kan kinakaipuhang suplay kan NFA rice.
Sa intrevista kan Bombo Radyo Legazpi ki NFA Bicol spokesperson Beth Jacob, naghahanda na an ahensya sa tracking asin handling kan papaabot na bagas na maagi pa sa bidding.
Sa ibong na lado, pighihiling man ni Jacob na mas marhay na mag-”back-to-zero” an NFA tangarig na ma-clear an inventory asin matanos na ma-monitor an magigin dalagan kan stock kan bagas.
Afuera man digdi, nakikipagkoordinar man an NFA Bicol sa mga paraoma na dakulang tabang sa stock ngonian kan NFA rice urog na panahon na kan anihan.
