Namaaram na an joven na actor na si Hudson Joseph Meek makalihis ining mahulog sa pigsasakayang vehicle nito asin magsapo nin malalang injuries na saiyang ikinagadan.
Kinumpirmar kan saiyang ina sa sarong social media post.
Magigirumduman na enot ining namidbid sa industriya an aktor makalihis na mapabale ini sa three time Oscar nominated na ‘Baby Driver’ na pelikula na pig-gampanan an baby driver asin nakaiba man sa Emmy-nominated television series na ‘MacGyver’.
Saro man ini sa nagtaong boses sa sikat na bakalan nin kawatan sa United States asin sarong midbid na fast food chain.
