LEGAZPI CITY- Nagdulok sa pulisya an sarong babaying Indian National makalihis na mabiktima nin robbery hold-up.
Binisto an biktima na si Kiran, 27-anyos na native kan Kurlan Haryana India alagad presenteng nag-eerok sa Sweet Homes, Barangay Cruzada, syudad kan Legazpi.
Estudyante si Kiran sa Ago Medical and Educational Center (AMEC.)
Sa imbestigasyon na isinagibo kan Legazpi City Police, nagluluwas na mismong sa Sweet Homes nangyari an hold-up kun sain duwang dae nabistong lalaki an suspek na base sa pahayag kan biktima, nakasulot nin helmet asin lunad nin sarong motor.
Makalihis suboot an insidente, nagdulag an mga ini pasiring sa direksyon kan Lakandula Drive.
Nakua sa nasambitan na Indian an ipad, tab asin pasaporte.
Sa presente, padagos pang pig-hahanap kan mga otoridad an mga suspek sa nasambitan na krimen.
