LEGAZPI CITY — Anas tama nin saksak an nadiskubreng bangkay kan sarong babaye sa Barangay Esperanza sa banwaan kan Pilar, Sorsogon.
Binisto an biktima na si Marieta Mejela, 51-anyos asin residente kan Purok 6 Sitio Bacolod sa nasabing barangay.
Napag-araman na nagsasapar nin helang sa pag-iisip an biktima poon pa kan pagkaaki.
Base man sa insiyal na imbestigasyon, nadiskubre na sana kan pamilya na wara ng buhay an biktima sa laog kan harong kaini na pano nin tama nin saksak sa payo na kawsa kan tulos na pagkagadan.
Padagos man an ipigkokondusir na imbestigasyon kan Pilar Municipal Police ngani na maaraman an motibo sa panggagadan asin mabisto an suspek sa krimen.
