LEGAZPI CITY—Idinara sa ospital an sarong babaeng senior citizen na nagmamawot na magbakal nin P20/kilo na bagas makalihis na mabagok suboot an payo sa nangyaring stampede sa luwas kan opisina kan National Food Authority sa Legazpi City.
Ini katakod kan pagpapabakal nin P20 kilo nin bagas na programa kan gobierno kun sain naka-schedule an pagbakal kan mga senior citizen sa kada aldaw nin Lunes.
Segun sa sarong senior citizen na si alyas “Nitz” sa intrevista kan Bombo Radyo Legazpi, nagresulta sa pagkakatama nin payo kan sarong indibidwal huli sa nagkaigwa nin tulakan sa pila makalihis na liwat na magpalaog nin 100 na indibidwal na may numero kun saen nakabale man an mga indibidwal na warang numero digdi.
Suhestiyon ni alyas “Nitz” na gibohon na sana ini sa buro-barangay huli sa kadakol an mga nagpipila asin malikayan an ano man na dae piglalaomang insidente.
Mensahe man niya sa mga senior citizen na makipagkoordinar sa mga opisyal huli sa nagkapira man sainda an madunong kaya nangyayari an siring na kariribokan.
