LEGAZPI CITY—Wara nang buhay kan madukayan kan mga otoridad an pigkarkulong nasa anom na bulan na edad nang pigbabados na omboy na babae Barangay Zone 4, Libon, Albay kan aldaw nin Domingo, Pebrero 15.
Segun ki Libon Municipal Police Station Chief of Police Police Major Roberto Flores Jr., sa intrevista kan Bombo Radyo Legazpi, makalihis na maresibe an report tulos na nagpasiring an saindang mga imbestigador nganing hilingon an nasabing lugar.
Nakipagkoordinar sinda sa Albay Provincial Forensic Unit asin nagsagibo nin scene of crime operations.
Pinabendisyunan kan kapulisan an omboy sa St. James the Greater Parish asin inilubong sa Libon Municipal Cemetery.
Sa presente, padagos man an imbestigasyon kan opisina nganing maaraman kun siisay an posibleng suspek sa nasambitang insidente.
Mientrastanto nagpatanid man an hepe sa publiko na ipigbabawal sa ley an arog kaining gibo asin pwedesir na masunadan nin kaso an persona na nasa likod kaini.
