Walang awang binuhusan ng isang babae ang asong nakakulong sa hawla sa Dipolog City, Zamboanga del Norte gamit ang mainit na tubig.
Nakunan sa CCTV ang ginawa ng suspek sa aso.
Nakuhaan din sa nasabing footage ang naging reaksyon ng aso pagkatapos buhusan ng mainit na tubig.
Batay sa impormasyon, nangyari ito noong Abril 1, 2025 ng umaga.
Ayon sa may-ari ng aso, ginagamot na ang aso dahil sa mga paso at sugat nito.
Desidido ang may-ari ng aso na magsampa ng reklamo laban sa babae.
