LEGAZPI CITY-Sarong babae na pigkonsiderar na brain dead mantang bados an pinanatili na buhay sa irarom kan estriktong mga ley kontra sa aborsyon kan Georgia, kung sain ligtas siyang nangaki nin sarong omboy bago siya hinalian nin life support, segun sa sarong opisyal.
An babae, na nabisto bilang Adriana Smith, sarong 30-anyos na rehistradong nurse, nagkaigwa nin grabeng kulog nin payo mantang siyam na semanang bados kan Pebrero.
Nadiskubre na igwa siyang mga clot nin dugo sa saiyang utak asin tulos ini na pigdeklarar na brain dead.
Nin huli sa Georgia, igwa nin ley na nagbabawal sa aborsyon puon sa anom na semana sagkod sa pagbados, an mga doktor nagduwa-duwa na gibuhon tulos an procedure sa ibong kan kondisyon ni Smith ngani dai magbayolar sa ley.
Matrayumpo nangaki si Smith nin sarong omboy na lalaki na an pangaran Chance, na namundag sa paagi nin emergency cesarean section.
Nagtimbang man an saiyang aki nin 1 pound asin 13 ounces.
