LEGAZPI CITY-Inanunsiyo kan Austria na pagbabawalan na ninda an paggamit nin social media sa mga kaakian na edad 14 anyos pababa.
Segun ki Vice-Chancellor Andreas Babler kan Social Democrats, dae na kaya kan saindang gobierno an negatibong epekto kan social media sa saindang mga jovenes.
Dugang pa kaini na igwa man nin responsibilidad an mga pulitiko na protehiran an karahayan kan mga kaakian.
Maikokonsidera na suboot ining saro klase nin adiksyon siring kan alcohol asin tobacco.
Marurumduman na nagkapirang nacion na an nagpasar nin ley ngani pagbawalan an mga jovenes na maggamit kan social media.
Kabale digdi an Denmark, Greece, Spain asin Ireland.
