LEGAZPI CITY – Pigdoon kan mga pilipino na dae suboot maaapektaran an Australia sa ipinataw ni 200% na taripa ni United States President Donald Trump.
Segun ki Bombo International News Correspondent in Australia Denmark Suede sa intrevista kan Bombo Radyo Legazpi na saro sa mga pinatawan ni Trump nin taripa iyo an mga pharmaceutical products kan Australia na pig-eexport sa US.
Kun susumahon an pwedesir ining umabot sa 2.7M Australian Dollars kada taon alagad labing maapektaran kaini an mga Americano huli ta maikokonsidera ini bilang life saving medicines.
Resulta man kan lakdang na ginibo ni Trump iyo an nagrereklamo na an mga American pharmaceutical company huli ta barato man sana an mga bulong sa Australia alagad mahalon na ini pag nag-aabot na sa US.
Paliwanag niya man na pigsu-subsidize kan Australian government an mga bulong sa kantidad na 16B Australian Dollars kada taon kun kaya wara sindang pigpoproblema sa lakdang kan US Government.
Pagdoon pa ni Suede na afuera sa mga bulong an pinatawan pa ni US President Trump nin dugang na taripa an mga beef products na pig-iimport sa Australia alagad sa kagayunan an dae man sinda apektado huli ta bibihira an magbakal nin mga US made beef.
